វេទិកាថ្នាក់រៀនស្ដីអំពី «ប្រវត្ដិសាស្រ្ដកម្ពុជាប្រជាធិបតេយ្យ (១៩៧៥-១៩៧៩)» នៅថ្ងៃទី ៩ ខែធ្នូ ឆ្នាំ២០២២ នេះ មជ្ឈមណ្ឌលសន្ដិភាពអន្លង់វែង នៃមជ្ឈមណ្ឌលឯកសារកម្ពុជា បានរៀបចំវេទិកាថ្នាក់រៀនស្ដីអំពី « ប្រវត្ដិសាស្រ្ដកម្ពុជាប្រជាធិបតេយ្យ (១៩៧៥-១៩៧៩)» ជាមួយនឹងសិស្សានុសិស្សចំនួន១២នាក់ (ស្រីចំនួន១០នាក់ និងប្រុសចំនួន២នាក់) មកពីវិទ្យាល័យ ហ៊ុន សែន ត្រពាំងប្រាសាទ នៃខេត្ដឧត្ដរមានជ័យ។ វេទិកាថ្នាក់រៀននេះ មានគោលបំណង លើកកម្ពស់ការចងចាំពីប្រវត្ដិសាស្រ្ដកម្ពុជាប្រជាប្រជាធិបតេយ្យ (១៩៧៥-១៩៧៩) និងវិធីសាស្រ្ដទប់ស្កាត់អំពើប្រល័យពូជសាសន៍នាពេលអនាគត។